Noe ‘t weer net zoe lekker werm is es ‘t Mestreechs täölke, kin d’r weer wure geroeid in ‘t zonnige zuuje.

De twintig gröäje zien dees week noa ein versjrekkelek lang deurende winter eindelek aongetik, dus trokke de lui de korte breuk oet de kas en zatte ze de zonnebrilkes op. Genetend in ‘t zönneke veulde ‘t jus wie zomer en krege de lui gaans zin in de vakansie, wegdruimend noa ‘n strendsje aan de Franse kös. Mer helaas, zoe wiet is t nog laang neet en motte vir nog 8 weke tot de zomer vakansie… 

Gelökkig kinne de sfere vaan unne boetelandse vakansie dit weekend al ein bitteke oetgeprobeerd wure. Aonkommend weekend is ‘t noamelek tied um de internationale wateren vaan Mestreech te trotsere tiedens de Saurus International Regatta. En woar in Nederland vindse noe ‘n plekske det dichter bij ‘n zonnig vakansieland in de buurt keump, daan in ‘t prachtige zuuje tösse de glooiende zoneuvergote heuvels.  

Doarbovenop zölle de roeiers tiedens de SIR ouk nog es ech in ‘t boeteland én tösse te boetelanders komme. Zoeës de naom missjien verroajt, wuurt de Saurus INTERNATIONAL Regatta neet allein in Nederlands mer ouk in Belsj geroeid. Doarnaost doan d’r ouk boetelandse plooge met, zowie Duitse, Belsje en Franse. De wedstrijd vaan 1750m wuurt met ein doorstart gestart in Belsj, gevolgd door ‘n doorstart veur de boord aan boord sprint vaan 250m.  

Noe zeen ich uuch dinke: zoen weekend vaan puur genete zal vas erg exclusief zien. Mer niks is minder waor! Bij de SIR is eederein welkom, ofse noe in ‘t C4+veld of ‘t OO8+veld wils starte. Vaanoet Proteus zien d’r daan ouk 18 plooge dit weekend in Mestreech te vinde. 

Op zoaterdaag zien de Daomes vaan de Sjtuurboordbokaal poule 1 en 2, de Hieren vaan de Sjtuurboordbokaal poule 3 en 4, de Daomes vaan de Quadruppelbokaal, alle roeiers vaan de Sprintbokaal, de Toercie in ‘t OO8+ veld en Lucas in de skiff, aon de beurt.

Zoondaag starte de Daomes vaan de Sjtuurboordbokaal poule 3 en 4, de Hieren vaan de Sjtuurboordbokaal poule 1 en 2, BeunentotweAAAaaahhh vaan de Quadruppelbokaal, ös Bestuur en de Toercie in ‘t commissieveld. Proteus is dus good vertegewöärdigd, mer helaas kin neet eederein noar hoes mit unne vloaj. 

Möägst dich noe mit dunne ploog net neet gevlaojd hubbe en wilse d’n verdreet wegzoepe, of wilse de aovend veur de wedstrijd nog waat mood indrinke, daan kinse op zaoterdaag- en vriedaagaovend terech op t feeske vaan de RSM Saurus. En neet getreurd esse noa dit prach weekend weer teruuk mots noar ‘t kouwe noorden; de neems soewiesoe een sjiek kleurke mei noar hoes touw! 

Adi!